آرمی چیف قمر جاوید باجوہ سے وزیراعلیٰ پنجاب کی ملاقات، آئی ایس پی آر نے اہم اعلان کر دیا

اسلام آباد (آن لائن ) پاک فوج نے آرمی چیف سے وزیراعلیٰ پنجاب کی ملاقات کی تردید کر دی پاک فوج کے شعبہ تعلقات عامہ آئی ایس پی آر کے مطابق پچھلے 72 گھنٹے میں آرمی چیف سے وزیراعلیٰ پنجاب کی کوئی ملاقات نہیں ہوئی، ایک میڈیاہاؤس کی جانب سے چلائی گئی خبربے بنیادہے،اور اس خبر میں کوئی صداقت نہیں۔ واضح رہے کہ ایک نجی ٹی وی چینل نے خبر دی تھی کہ مسلم لیگ (ن) کے صدر اور وزیراعلیٰ پنجاب شہباز شریف کی آرمی چیف سے 72 گھنٹوںمیں دوسری بار خفیہ ملاقات، ایک نجی ٹی وی چینل کی رپورٹ

کے مطابق وزیراعلیٰ پنجاب شہباز شریف کی راولپنڈی میں اہم شخصیت سے ملاقات ہوئی ہے۔ ذرائع کا کہنا ہے کہ شہباز شریف کی آرمی چیف سے تین دنوں میں یہ تیسری ملاقات ہے۔ شہباز شریف ہنگامی طور پر دو بج کر 25 منٹ پر اسلام آباد ائیرپورٹ پہنچے اور ملاقات کے لیے چلے گئے۔اس خبر پر آئی ایس پی آر نے واضح کیا ہے کہ آرمی چیف کی شہباز شریف سے کوئی ملاقات نہیں ہوئی اور یہ خبر بے بنیاد ہے۔

Leave a Reply

Your email address will not be published. Required fields are marked *